dc.description.abstract | Denne oppgåva freistar å undersøkje samanhengen mellom intuisjon og to typar pro-sosial åtferd, samarbeid og altruisme. Dette er ein test på Social Heuristics Hypothesis, ein teori som predikerer ein positiv effekt av intuisjon på graden av pro-sosial åtferd (Rand m.fl., 2014). Oppgåva testar SHH ved å køyre ein meta-analyse på publisert og upublisert litteratur, tilsvarande Rand m.fl. (2016) og Rand (2016), men med meir data og andre metodiske vurderingar. I hovudsak avviker analysane gjord av effekten av intuisjon på samarbeid, i denne oppgåva, frå Rand (2016) ved at non-compliers og samarbeid der motparten ikkje har samarbeida er inkludert, samt at ein her berre ser på fanganes dilemma og kollektivt gode spel. I analysen knytt til effekten av intuisjon på altruisme, som i Rand m.fl. (2016), er det einaste metodiske avviket at det her nyttast ein fasteffekt, og ikkje ein tilfeldigeffekt, meta-analyse. Oppgåva finn berre ein effekt av intuisjon på samarbeid når ein ser på den kognitive manipulasjonstypen induction, alle andre manipulasjonstypar gir statistisk insignifikante resultat. Det argumenterast for at denne skilnaden frå Rand (2016) delvis skuldast seleksjonsbias i den opprinnelege meta-analysen. Når det kjem til effekten av intuisjon på altruisme, vert det funnet ein positiv, statistsisk signifikant effekt for kvinner, og ein statistisk signifikant, negativ effekt for menn. I følgje SHH, skal det aldri skje at effekten er negativ. Dei ulike meta-analysane finn difor, samla sett, ikkje støtte for Social Heuristics Hypothesis. Alle analysar vert gjord i Stata/IC 14.2 | en_US |