| dc.description.abstract | Denne masteroppgåva tar føre seg dei Safaitiske innskriftene skrive av nomadar i midtausten mellom ca. 1. århundre f.kr til 4. århundre e.kr. Føremålet er å kartlegge slektskapsuttrykk og kva rolle slektskap har spelt samfunna til desse nomadane, sentralt her er slektsgrupper og kva struktur dei har hatt. Tidlegare forskning innan fagfeltet har avdekka korleis desse gruppene ser ut til å vere stratifisert, og dette er noko masteroppgåva bygger vidare på. Medan det før har vore vanskeleg å få ei tilnærma total oversikt over kjeldematerialet, er nesten alle innskriftene no samla i ein database, OCIANA-databasen. Takka vere denne kan ein no angripe dette kjeldematerialet på ein måte som før ikkje var like gjennomførbart; ved både kvalitativ og kvantitativ analyse. Målet er at dette skal kunne gje ei meir inngåande og breiare forståing av heile slektskapssystemet, i samanheng med resten av samfunnet. Dei Safaitiske innskriftene er ei uvuurderleg kjelde, om enn noko komplisert. Dei er produsert av eit samfunn som elles var munnleg, og er personlege av natur i motsetning til mykje av dei litterære kjeldene ein finn frå samtidige sedentære busettingar i denne perioden. På grunn av den unike naturen til dette kjeldematerialt lyt ein både studere dei enkelte slektsbegrepa som er nytta, og deretter sjå på heilheita dette utgjer. Til slutt blir slektssystemet sett på som struktur i samfunnet. Både ut frå utvalde slektsgrupper og deira oppbygging, men og ved å sjå det i ein unik materiell og sosial kontekst, Hani’s grav. Her finn ein ei stor samling av slektsgrupper, andre slektsutrykk og eit rikt arkeologisk materiale. | en_US |
