Seks kyrkjestader i Rogaland. Ein arkeologisk analyse av kyrkjestader i ytre og indre delar av Rogaland
Master thesis
Permanent lenke
https://hdl.handle.net/1956/2846Utgivelsesdato
2007-11-20Metadata
Vis full innførselSammendrag
I denne oppgåva er seks kyrkjestader frå mellomalderen og ein krosstad i Rogaland frå den første kristne fasen undersøkte i eit kristningsperspektiv. Undersøkingsområda har vore dei kystnære skipreidene Time og Klepp på Midt-Jæren og Jelsa og Suldal i indre strok av fylket. Stadene er blitt vurderte i ein landskapsmessig kontekst for å kaste lys på problemstillingane om kven som reiste kross og kyrkjer, kva tid og kvifor kyrkjer vart reiste, og kva for vurderingar som kan ha lege til grunn ved val av kyrkjestaderMed utgangspunkt i hypotesen at kristninga tok til ute ved kysten og derifrå spreidde seg innover i landet har eg undersdøkt om det finst tendensar i materialet som kan indikere eit slikt kristningsforløp, gjennom å undersøke likskapar og skilnader med omsyn til skiping av kristne rituelle stader i ulike strok av Rogaland.Undersøkinga avdekka to typar kyrkjestader: kyrkjestader med såkalla gardskyrkjer reiste av ein stormann eller bonde, og kyrkjestader med kyrkjer reiste av bygdefolket, i samhøve med føresegnene i kristenretten i Gulatingslova.Kyrkjestaden si plassering i forhold til eldre kultutøving - heidenske gravhaugar og gravrøyser - var ein del av vurderinga, med det føremålet å spore kontinuitet eller brot i plasseringa av kyrkjestaden. Ut frå ein vid, romleg definisjon av kontinuitet, der visuell kontakt mellom kyrkjestad og heidensk gravminne var kriteriet, fann eg at alle stadene oppviste ein slik kontinuitet, men at graden av nærleik mellom heidenske gravminne og kyrkjestad var varierande.Andre omsyn som var avgjerande for plassering av krossen og kyrkjene var i første rekkje monumentalitet for krossen og gardskyrkjene og lett tilgjenge for bygdefolket når det galdt fellesbygde kyrkjer.
Utgiver
The University of BergenOpphavsrett
Copyright the author. All rights reservedThe author