«Fiskebein gjør seg best i bakken». Ei analyse av representasjonen av det nasjonale i reklamar kring dei fire internasjonale vinteridrettsarrangementa arrangert i Noreg mellom 1982 og 2011

Abstract

Dette prosjektet undersøker korleis det nasjonale blir representert i reklamar kring dei fire siste internasjonale idrettsarrangementa arrangert i Noreg. Eg tar føre meg Ski-VM i Oslo i 1982, OL på Lillehammer i 1994, Ski-VM i Trondheim i 1997 og Ski-VM i Oslo i 2011, og undersøker korleis denne representasjonen endrar seg i løpet av denne perioden. Dette blir gjort ved å analysere bruk av nasjonale symbol og nasjonale representasjonar i reklamane. Analysen viser at det nasjonale er mangfaldig, men samstundes snevert. Det er dynamisk og utviklar seg til å i større grad bli mangefasettert utover i perioden. Samstundes blir det meir internt og vanskelegare tilgjengeleg for dei som står utanfor det nasjonale fellesskapet.