Hovemadonnaen – Skapt på 1200-talet. Gjenskapt på 2000-talet

Abstract

Eit kjenneteikn ved gjenstandar i kulturhistoriske museum er at dei gjerne har gjennomgått ei forvandling frå å vera heile og komplette, slik dei opphavleg vart skapte, til å vera fragmentariske. Dei er i samlingane helst bevarte berre stykkevis og delte etter lang bruk og hundreår med slitasje og fargetap. Sentrale spørsmål i forsking og formidling ved museet er då korleis gjenstanden opphavleg kan ha sett ut. Er det mogeleg å gjenskapa gjenstanden, til slik menneska for lenge sidan har forma, opplevd og nytta gjenstanden som ny?