Kva skal til for at miljøengasjement medfører inhabilitet ved tildeling av vindkraftkonsesjon?

Abstract

Vurdering av kva som skal til for at miljøengasjement medfører inhabilitet, med vindkraftkonsesjonssaker som utgangspunkt. Tildeling av vindkraftkonsesjon bygger på vanskelege og komplekse vurderingar knytt til eit politisk betent tema, som kan gi grunnlag for å skjerpe habilitetskrava. Samtidig er sakene normalt lite inngripande overfor privatpersonar, som trekk i motsett retning, og gjer at terskelen for inhabilitet truleg vil vere som normalt, med mindre konkrete forhold ved enkeltsaka tilseier at krava bør skjerpast. Vurderinga av habilitetsspørsmålet kjem an på om saksbehandlaren er folkevalt eller tilsett, om vedkomande har særleg interesse i utfallet av saka, kor nært engasjementet knyter seg til den aktuelle saka, korleis vedkomande har engasjert seg, og kor sterkt og eksponert engasjementet er.