| dc.description.abstract | Sosial berekraft er eit nyord innan folkehelsearbeidet. Denne rapporten vil skildra korleis dette omgrepet vert nytta i kommunale plandokument i Vestland fylkeskommune. Rapporten byggjer på ein dokumentanalyse frå prosjektet «Sosial berekraft i Vestland», som er utført av forskarar ved Institutt for helse, miljø og likeverd (HEMIL) og finansiert av Vestland fylkeskommune.
Dokumentanalysen viser at berekraftsmå la har fått ei tydeleg, retningsgjevande rolle for arbeidet til kommunane, men at det er store skilnadar mellom korleis kommunane nyttiggjer seg av omgrepa i planane. Medan nokre kommunar både gjev berekraftsmå la stor plass og knyter dei opp mot eigne målsetjingar og satsingar, viser andre kommunar ein meir sporadisk og sjeldan bruk av berekraftsmåla. Dette spriket mellom kommunane ser også ut til å gjelde for sosial berekraft. Analysen viser vidare at kommunane ser ein samanheng mellom berekraft og folkehelse. Kommunane skildrar både berekraftig utvikling som grunnleggande i folkehelsearbeidet og folkehelsearbeidet som essensielt for ei berekraftig utvikling. Analysen viser at nokre kommunar klarer å nyttiggjere seg av den sosiale berekraftsagendaen for å mobilisere i arbeidet med lokale folkehelseutfordringar. | en_US |
