Skam, skuld og straff: Ei rettsleg analyse av barndrapssakene på bygdetinget i Hordaland 1642-1799

Abstract

Avhandlinga er basert på ein studie av barnedrapssakene som er bevart i dei transkriberte og digitaliserte tingbøkene frå Nordhordland, Sunnhordland og Hardanger Sorenskrivarembete mellom 1642 og 1799. Lovreguleringa av barnedrap var den same i heile perioden, men likevel ser vi at sakene ikkje vert handsama likt. Den overordna problemstillinga er å «Finne, analysere og forklare korleis og kvifor ulike aktørar tolka og praktiserte barnedrapsreglane likt og ulikt, med utgangspunkt i ei studie av bygdetingpraksis frå Hordaland mellom 1642 og 1799.» For å finne skilnader og likskapar i rettsoppfatninga har den prosessuelle og materielle retten frå førsteinnstans blitt analysert, og drøfta opp mot lovtekst og juridisk litteratur frå slutten av 1700-talet. Vidare har det blitt sett på ulike årsakar til kvifor retten vart praktisert ulikt, trass i at lovverket var det same.