Oppdragarar, granskarar, speglarar og agnostikarar. Skisse til ein norsk journalisttypologi.

Abstract

I den engelskspråklege litteraturen om journalistar er det gjort fleire forsøk på å lage typologiar over ulike journalisttypar og -roller, der ein av dei mest kjende er Johnstone et. al sitt skilje mellom ei "nøytral" og deltakande journalistrolle. Kapittelet drøftar fyrst nokon av dei mest kjende typologiane, deira underliggande metode og påpeiker problema med å samanlikne desse, for å så konstruere ein eigen haldningsbasert typologi over norske journalistar basert på ei spørjegransking gjort i 2005. Denne firfaldige typologien - oppdragarar, granskarar, speglarar og agnostikarar - vert så kopla til type publikasjon og arbeidsområde, sosial bakgrunn m.m. Eit sentralt poeng er både at det er viktige skilje mellom norske journalistar, spesielt i høve ei nøytral og ei meir interverande rolleforståing, og at denne er nært kopla til journalisten sin posisjon i det sosiale feltet.