Høyanger i endring - ein industristad si utvikling sett gjennom fotografiet

Abstract

”Høyanger i endring – ein industristad si utvikling sett gjennom fotografiet” er ei kjeldekritisk gjennomgang av bruken av fotografiet som kjelde til kunnskap om utvikling til industristaden Høyanger frå starten i 1916 og fram til 1958. I ein slik samanheng kan fotografia nyttast både som dokumentarisk kjelde og sjåast på som eit kulturelt uttrykk. Bileta som er omhandla i oppgåva er henta frå Høyanger Verk si fotosamling og er knytt opp mot deira eigen aktivitet. Dei fleste bileta kan sjåast på som ein del av ein dokumentarisk fotosjanger. Dei fleste fotografia er knytt opp mot bygge og anleggs verksemd, der ein kan sjå ulike sider ved industristaden vekse fram. Dei viser utvikling av kraftanlegga, fabrikkanlegget og tettstaden. Men det er også fleire fotografi som er relatert til drift både ved fabrikk- og kraftanlegg. I tillegg er det og fleire landskapsbilete. Fotografia gir oss eit innblikk i den fysiske utviklinga som Høyanger gjennomgjekk. Samtidig får vi også eit innblikk i ulike aktivitetar i arbeidslivet.