Ansvar for overvasskader etter forureiningslova § 24 a

Abstract

Overvatn på avvege er eit stadig aukande problem på grunn av klimaendringane og tettare busetnad. Vatnet kan føra til skade på bustader, jordbruksareal og infrastruktur. Då dukkar spørsmålet om kven som skal betale for skadene fort opp. I oppgåva vert rekkjevidda av det objektive ansvaret etter forureiningslova § 24 a diskutert andsynes overvatn. Det vert argumentert mot at eit objektivt ansvar for manglande kapasitet eller vedlikehald av avlaupsanlegg skal gjelda for overvatn som vert leia i røyr eller leidningar. I Fosendommen (Rt. 2012 s. 820) slo fleirtalet i Høgsterett fast det motsette.