| dc.description.abstract | Cubanarane lever i ein usikker kvardag, der "kvar trivialitet kan forvandle seg til eit stort problem" (cualquier cosas puede convertirse en un problemón). Derfor vert dei sosiale relasjonane og det personlege nettverket på Cuba eit slags sikkerheitsnett. Ettersom ein gjennom vener, kjenningar og kontaktar kan skaffe varer som ikkje blir selt i butikkane eller få desse til ein rimelegare pris. Det finst heller ikkje elektronikk butikkar som ein kan gå til for å få reparert kvite- og brunevarer, men ein er avhengig av å kjenne nokon som kan gjere dette mot privatbetaling. Cubanarane kunne derfor ikkje mange nok gongar presisere kor viktig det var å ha eit stort nettverk av vener, kjenningar og lausare kontaktar. Dei såg på dette som einsbetyande med å vere sikra hjelp ved alle slags problem og vanskar. Fiskaren Andrés påstod at cubanarane lever med "ei mengde problem og ei mengde med kjenningar" (vive con tantos problemas y tantos amistades). Fordi dei derfor alltid kan finne ein venn som har moglegheit til å hjelpe, uansett kva type problem ein har hamna i. Oppgåva handlar også om kvifor det vert gitt få gåver i høve jul eller gebursdagar, der i mot verka det som det var den sosiale relasjonen mellom personane som er avgjerande for kva gåver som vert gitt og når dei vert gitt. Den viser at gåvetransaksjonane har, ei klår økonomisk, taktisk og strategisk side, og grunnar kvifor det blir gitt gåver kjøpt for dollar til ukjende personar. Medan vener derimot kjøper billigare gåver til kvarandre. Eg vil hevde at gåve transaksjonane på Cuba kan delast inn i tre kategoriar: Stimuleringsgåver, takkegåver og vennegåver. Dette er nemningar eg sjølv har sett opp, for gjere det enklare å skilje mellom denotasjonane til gåvene. Altså nyttar eg desse omgrepa som eit reiskap for å klargjere og framheve dei ulike gåvemønstra som finnast på Cuba. Gåvene får her ulike meiningar alt etter i kva høve dei er blitt gitt og ved kva tidspunkt. Vidare har eg sett nærare på korleis cubanaranes handlingar i det offentlege rom, ute i dei ulike gatene, har å seie for deira rykte og omdøme. Gjennom det personlege nettverket er det mogleg å skaffe det meste, men nokre gonger likevel nye sosiale relasjonar stiftast, og eg vil gjerne nytte denne oppgåva til å vise at ein persons rykte og omdømmet er svært avgjerande for om han vil lukkast med cubanarane har til å utvide sitt nettverk basert på deira åtferd, ryktet og omdømet dei har. Kva moglegheiter dei har til å utvide nettverket eller korleis omdømet deira kan vere med på å hindre dette. dette. | no_NO |
