Ein jamvektsmodell for pensjonsreformen

Abstract

Denne oppgåva analyserer følgene av pensjonsreformen i ein overlappande generasjonsmodell, med eitt representativt individ i kvar kohort. Økonomien er delt inn i ein hushaldssektor, ein produksjonssektor og offentleg sektor. Arbeidstilbodet er endogent bestemt og gitt av individa si tilpassing.Pensjonssystemet er avgrensa til å omfatte alderspensjon frå folketrygda. Vi nyttar empirisk relevante parameterverdiar for å få ei mest mogleg realistisk utvikling, m.a. norske fødselstal og data for levealder.Vi presenterar ein modell for dagens og ein modell for det reformerte pensjonssystemet. Motivasjonen bak pensjonsreformen er å avgrense veksten i pensjonsutgiftene med aldringa i befolkinga og samstundes gi den enkelte insentiv til å auka arbeidstilbodet relativt til dagens system. Vi syner at dette er tilfellet, men at ein stadig større del av dei offentlege inntektene vil gå til pensjonar. Underskotet kan ikkje bli dekka av petroleumsinntekter.