A Master's Thesis Has No Name: A study on personal names in fantasy literature

Abstract

Denne masteroppgåva handlar om personnamn i fantasy-seriane A Song of Ice and Fire av George R.R. Martin og The Stormlight Archive av Brandon Sanderson. Oppgåva sitt mål er undersøke korleis personnamna frå desse seriane er bygd opp, eller velt ut, samanlikna med korleis engelske personnamn generelt ser ut. I tillegg ser oppgåva på ulike motivasjonar for oppbygginga av binamn i seriane. Trass i at fantasy sjangeren er ein svært namnerik sjanger har den ofte blitt oversett og den har blitt via overraskande lite merksemd. Sjanger er særleg interessant å utforske med tanke på den store fridommen som forfattarane har når det gjeld å velje ut og finne opp namn. Kort oppsummert peikar oppgåva på ulike namnestrategiar som er nytta i seriane. Oppgåva ser òg på korleis kjønn er markert i namna og korleis ‘frammandheit’ er reflektert i namna. Felles for begge seriane er at namna har funksjonar utover rolla som identifiseringsmarkørar. Dei litterære personnamna reflekterer både karakterstikkar ved dei som berer namnet og plasserer namneberarane i dei ulike etniske gruppene som ein finn i seriane. Seriane er ellers ulike når det gjeld kva type namnestrategiar som er blitt brukt. Oppgåva ser òg på ulike motivasjonar som ligg bak namngjevinga. Funna dreiar seg hovudsakleg om at binamn ofte baserer seg på fysiske og mental trekk ved karakterane, i tillegg blir sosial funksjonar t.d. yrke eller sosial status, og situasjonsbestemte hendingar brukt som grunnlag for binamn. Oppgåva ser tilslutt kort på korleis identitet og namnegjeving heng tett saman og korleis endringa av namn som regel òg fører med seg endringar i personlegdom.