Sjukt splitta. Ein kvantitativ innhaldsanalyse av dekninga av sjukehusstriden i Sogn og Fjordane i Fjordabladet, Firda og Bergens Tidende

Abstract

Dette masterprosjektet er ein kvantitativ innhaldsanalyse av pressa si dekning av sjukehusstriden i Sogn og Fjordane. Striden om korleis sjukehustilbodet skal strukturerast har rast i nesten hundre år i fjordfylket og lokalsjukehusa vert stadig truga av sparekniven. I lys av pressa sitt samfunnsoppdrag tek analysen føre seg alt dei to lokalavisene Fjordabladet og Firda, samt regionalavisa Bergens Tidende har presentert om sjukehussaka frå 1. januar til og med 30. april 2010. Korleis blir eigentleg den opprivande striden presentert for dei ulike lesarane?