Arbeidsmiljø, helseplagar og sjukefråvær i forpleining offshore – før, under og etter koronapandemien
Master thesis
Åpne
Permanent lenke
https://hdl.handle.net/11250/3137264Utgivelsesdato
2024-05-15Metadata
Vis full innførselSamlinger
Sammendrag
Bakgrunn: Arbeidsoppgåver og arbeidsbelasting endra seg i forpleining offshore (kokkar, reinhaldsoperatør og forpleiningsleiar) under koronapandemien som følgje av smittevernstiltak. Dette kan ha påverka risiko for helseplagar og sjukefråvær.
Hensikt og problemstilling: Å undersøke samanhengen mellom arbeidsmiljø og helseplagar, og arbeidsmiljø og sjukefråvær i forpleining offshore.
Metode: Observasjonsstudie med tverrsnittdesign og tre måletidspunkt; 2019 (n=353), 2021 (n=447) og 2023 (n=338). Data frå Havindustritilsynets spørjeundersøking «risikonivå i norsk petroleumsverksemd».
Resultat: Fordeling mellom kvinner og menn var relativ lik i 2019 og 2021. I 2023 var 57% kvinner. Aldersgruppe 41-50 og >51 år var mest representert. Majoriteten jobba som reinhaldsoperatør, hadde ingen leiaransvar, gjekk dagskift, var tilknytt entreprenør selskap og fast tilsett. Eg fann ein auka risiko for helseplagar i nakke/skulder/arm ved nye arbeidsoppgåver i 2021, og ved gjentatte/einsidige rørsler og oppgåver i konflikt i 2019 og 2021. I 2023 var det ein auka risiko for sjukefråvær siste år ved nye arbeidsoppgåver.
Konklusjon: Denne masteroppgåva er med å tilføre ny kunnskap om korleis eksponeringar i arbeidsmiljø kan ha påverka risiko for helseplagar i nakke/skulder/arm i 2019 og 2021, og risiko for sjukefråvær siste år i 2023. Det ser ut til at arbeidsoppgåvene relatert til covid-19 har hatt ein betydning for auka risiko for helseplagar i nakke/skulder/arm i 2021 samanlikna med 2019 og 2023. Det er behov for vidare forsking for å kunne identifisere risikoar i arbeidsmiljøet og evaluere effekt av tiltak i arbeidsmiljø for forpleining offshore i framtida.
Beskrivelse
Postponed access: the file will be accessible after 2026-05-15