Ny vallov med konstitusjonelle nyvinningar: Klageordning og beredskap

Abstract

I 2022 vedtok Stortinget endringar i Grunnlova som innførte ei ny klageordning for stortingsval, riksvalstyret som eit nytt, domstolsliknande klageorgan og ein beredskapsheimel for stortingsval. Denne artikkelen gjer greie for og drøftar hovudtrekka i dei konstitusjonelle nyvinningane. Artikkelen viser korleis den nye klageordninga og klageorganet oppfyller kravet til effektiv klagebehandling etter EMK fyrste tilleggsprotokoll artikkel 3. Artikkelen drøftar også riksvalstyrets samansetning og funksjonar, og forholdet mellom riksvalstyret, Stortinget og Høgsterett i valtvistar. Artikkelen gjer også greie for bakgrunnen og vilkåra for bruk av den nye beredskapsheimelen for stortingsval. Endeleg argumenterer artikkelen for at Stortingets behandling av grunnlovsforslag i samband med ny vallov viser at grunnlovsendringsprosedyren i Grl. § 121 er dysfunksjonell og bør endrast.