Historiesyn, lesing og opplysning: Lokal historieforståing i Noreg midt på 1700-talet.

Abstract

Artikkelen drøftar antikvarisk medvit, historiesyn og opplysningstankar i Noreg midt på 1700-talet. Perspektivet er lokalt, sidan kjeldematerialet er norske embetsmenn sine svar på det store dansk-norske kartleggingsprosjektet i 1743. I tillegg til å diskutere den historieforståinga som målber seg i dette materialet, er artikkelen eit bidrag til bokhistorie og lesehistorie – i kraft av ei kartlegging av kva historisk-topografiske verk embetsmennene hadde tilgang til, og korleis denne litteraturen blei lest.